Tilskudd til lokale musikktiltak
Målgruppe
Ordninga rettar seg mot aktørar i det lokale og regionale musikklivet. Ordninga støttar enkelttiltak og konsertseriar. Norsk kulturråd gir normalt ikkje støtte til drift av institusjonar og organisasjonar, heller ikkje til innkjøp av utstyr. Søkjar må vanlegvis halde til i regionen der arrangementet skal finne stad.
Hva kan det søkjast støtte til?
Ein kan søkje om stønad til konsertverksemd og andre prosjekt som omfattar framføring av musikk der profesjonelle krefter medverkar, og til tingingsverk som er ein del av slike prosjekt. Ein kan óg søkje om stønad til større kurssamlingar for barn og unge under 15 år.
Søknadsskjema må fyllast ut og ei skriftleg framstilling av prosjektet med budsjett og finansieringsplan må følgje søknaden.
Søknadsfristar, søknadskjema og søkjarrettleiing
Fristane for å søkje om tilskot til lokale musikktiltak er
- 1. mars
- 1. juni
- 1. september
- 1. desember
For bestillingsverk: 1. juni og 1. desember - sjå eige skjema.
Kriterium for tildeling
Kulturrådet gir støtte etter ei vurdering av fagleg kunstnarleg kvalitet, kor viktig tiltaket er for det lokale og regionale miljøet, og ei fordeling etter geografi og sjanger. Kulturrådet legg vekt på prosjekt som i stor grad involverer det lokale og regionale musikklivet, og som omfattar framføring av levande musikk. Kulturrådet krev at profesjonelle krefter medverkar.
Kulturrådet gir ikkje stønad til tiltak som er avlutta før den aktuelle søknadsfristen. Ufullstendige søknader og søknader på e-post eller telefaks vert ikkje handsama. Søknadene vert prioriterte innafor ei budsjettramme som Stortinget fastset i statsbudsjettet kvart år.
Krav til søknaden
Søknaden skal vere skriftleg og innehalde desse opplysningane:
a) Utfylt søknadsskjema (berre eitt skjema)
b) Kven som er ansvarleg for planleggjing, økonomi og gjennomføring av tiltaket
c) Framstilling av prosjektet, med bakgrunn for, og føremål med tiltaket
d) Framdriftsplan, med venta tidspunkt for start og avslutning
e) Budsjett og finansieringsplan. Honorar, evt reise og diettutgifter må kome tydeleg fram
f) Oversyn over medverkande, og namn på profesjonelle utøvarar
g) Oversyn over repertoar, evt fagleg innhald dersom søknaden gjeld kursverksemd
h) Lydfesting på CD kan leggjast ved
Ein må rekne med ei sakshandsamingstid på tre månader før det ligg føre svar på søknaden. Tildelingane blir kunngjorte på Norsk kulturråds internettsider våre, www.kulturrad.no så snart tildelingane ligg føre.
